NFPE DIAMOND JUBILEE AT DWARKA (1st Day)

NFPE CELEBRATES ITS DIAMOND JUBILEE AT DWARKA GUJARAT

1st Day - 23-11-2014

National Federation of Postal Employees has celebrated its Diamond Jubilee celebrations to mark completion of 60 years from its inception as NFPTE in the year 1954 in a mamorable manner at Dwarka in Gujrat. 

The Reception Committee comprising of all Circle Secretaries of NFPE Unions in Gujarat Circle has made very excellent arrangements for the historical event. The Open Session was presided  over by NFPE President Comrade Giriraj Singh and anchored by NFPE Secretary General Comrade R.N.Parashar and Comrade N.Subramanian General Secretary AIPEU Gr.'C'. All General Secretaries of NFPE Affiliated Unions including P4, R3, R4, Admn, Postal Accounts, SBCO, GDS NFPE and Casual Labour participated in the Open Session and graced the occassion on the  dais. Comrade Purohit the Chairman of the Reception Committee and Circle Secretary P3 Gujarat welcomed the gathering and Comrade Asha Ben Joshi Circle Secretary GDS NFPE and the Convenor of the Reception Committee delivered vote of thanks at the end. 

Leaders of various Central Trade Unions including BMS and CITU stressed the need for united struggle in defence of workers rights and greeted the NFPE on this occassion of its Diamond Jubilee. as well as Shiv Gopal Misra of AIRF delivered special addressess.Comrade Shiv Gopal Misra declared that there is no alternative but to go on struggle if the Government is adamant to settle our issues and not to desist from its present path of privatisation including Railways and Defence. He assured that the united CG Movement will pressurize the Government to include the issues of GDS for the purview of 7th CPC. He also underlined that the 11th December National Convention by the Staff Side JCM National Council will take a programme of action to achieve the demands. 

Comrade M.Krishnan Secretary General Confederation of CG Employees made a punctuating speech and remembered the sacrifices of leaders in building the movement of NFPE / NFPE.

Comrade K.Ragavendran General Secretary AIPRPA and the Ex-Secretary General NFPE also delivered his address in the open session.  

TN CONFEDERATION DHARNA HELD ON 18.11.2014 AT THE PREMISES OF O/O CPMG, CHENNAI

TN CONFEDERATION DHARNA HELD ON 18.11.2014 AT THE PREMISES OF O/O CPMG, CHENNAI

மத்திய அரசு ஊழியர் மகா சம்மேளனத்தின் போராட்டம் மாபெரும் வெற்றி !

அண்ணா சாலை தபால் அலுவலக வாயிலில் ஆயிரக்கணக்கில்  திரண்ட மத்திய அரசு ஊழியர்கள் !

தலையா ? கடல் அலையா ? என்று எண்ணும் வண்ணம் ஊழியர் கூட்டம் !

30 ஆண்டுகளுக்குப் பிறகு மிகப் பெரிய மத்திய அரசு ஊழியர் போராட்டம் 

இது என  தலைவர்கள் மகிழ்ச்சி !

வரலாறு படைத்தது  இந்த தார்ணா  போராட்டம் !

தமிழகம் அனைத்து மாநிலங்களுக்கும் 

ஓர் எடுத்துக்காட்டு !

முன்னோடி மாநிலமாகத் திகழ்வது தமிழ்நாடு !

மாபொதுச் செயலாளர் பெருமிதம் !

மத்திய அரசு ஊழியர் மகா சம்மேளனம் தமிழ்மாநிலக் குழுவின் சார்பில் கடந்த 18.11.2014 அன்று  சென்னை தபால் துறை தலைவர் (O/O CPMG, TN ) அலுவலக வாயிலில் மாபெரும் தார்ணா  போராட்டம்  நடைபெற்றது. மகா சம்மேளனத்தின் மூன்றாவது கட்ட போராட்டம் இது. 12 அம்சக் கோரிக்கைகளை  வலியுறுத்தி நாடு தழுவிய  அளவில் அனைத்து மாநிலத் தலைநகரங்களிலும் இந்தப் போராட்டம்  நடைபெற்றது. அதன் ஒரு பகுதியாக  சென்னையிலும் இந்தப் போராட்டம் நடைபெற்றது. 

1.1.2014 முதல் ஊதியக்குழுவின் பலன்களை அனைத்து மத்திய அரசு , GDS  மற்றும் ஓய்வூதியர்களுக்கும் அளிக்க வேண்டும், இடைக்கால நிவாரணம் அளிக்க வேண்டும்,  பஞ்சப்படியை அடிப்படை ஊதியத்துடன் இணைக்க வேண்டும் , தபால் துறையில் பணிபுரியும்  265000 GDS  ஊழியர்களையும் ஊதியக்குழு வரம்புக்குள் கொண்டுவர வேண்டும், புதிய பென்ஷன் திட்டம் ரத்து செய்யப் படவேண்டும், கருணை அடிப்படையில் வழங்கப்படும் வேலை வாய்ப்புகள் எந்தவித நிபந்தனையும் இன்றி  முழுமையாக வழங்கப் பட வேண்டும், அனைத்து காலிப் பணியிடங்களையும் உடன் நிரப்பிட வேண்டும் , CASUAL ,MAZDOOR CONTINGENT , PART  TIME  ஊழியர்களுக்கு 1.1.2006 முதல் ஆறாவது ஊதியக் குழுவின் அடிப்படையில் உயர் ஊதியம் வழங்கிட வேண்டும் , அவர்களை பணி  நிரந்தரம் செய்திட வேண்டும் என்பது உள்ளிட்ட கோரிக்கைகளுக்காக நடத்தப்படும் போராட்டம் இது.

இந்த  தார்ணா போராட்டத்திற்கு  மகா சம்மேளனத்தின் மாநிலத் தலைவர் தோழர். J . இராமமூர்த்தி அவர்கள் தலைமை தாங்கினார். மாநிலப் பொருளாளர்  தோழர் S . சுந்தரமூர்த்தி அவர்கள் அனைவரையும் வரவேற்றார். 

இந்த போராட்டத்தை வாழ்த்தியும் விளக்கியும் மகா சம்மேளனத்தின் மா பொதுச் செயலாளர் தோழர். M . கிருஷ்ணன் அவர்கள் நீண்ட உரையாற்றினார் . அடுத்த கட்டமாக எதிர்வரும் 11.12.2014 அன்று டெல்லியில் நடைபெற உள்ள ரயில்வே , பாதுகாப்புத்துறை உள்ளிட்ட அனைத்து மத்திய அரசு ஊழியர் சங்கங்களின்  JCM  NATIONAL COUNCIL  தலைவர்கள் அடங்கிய கூட்டத்தில் கோரிக்கைகளை வலியுறுத்தி ஒரு காலவரையற்ற  வேலை நிறுத்தம் அறிவிக்க முடிவெடுக்கப்படும் என்று கூறினார். 

தொடர்ந்து தமிழ் மாநில மகா சம்மேளனத்தின் பொதுச் செயலாளர் தோழர். M . துரைபாண்டியன் அவர்கள் கோரிக்கைகளை விளக்கிப் பேசினார். அவரைத் தொடர்ந்து தமிழ்நாடு  அரசு ஊழியர் சங்கத்தின் பொதுச் செயலாளர்  தோழர். பாலசுப்ரமணியன், அஞ்சல் மூன்றின் முன்னாள் பொதுச் செயலாளர் தோழர். K .V .ஸ்ரீதரன் ஆகியோர் வாழ்த்திப் பேசினார். கூட்டத்தில் அனைத்திந்திய அஞ்சல் RMS  ஓய்வூதியர் சங்கத்தின் பொதுச் செயலாளர் தோழர். K . ராகவேந்திரன் அவர்களும் கலந்துகொண்டார்.  சாஸ்திரி பவன் மத்திய அரசு ஊழியர் சங்கங்களின் கன்வீனர் தோழர். சாம்ராஜ் அவர்கள் நன்றி உரையுடன்  தாரணா போராட்டம் இனிதே நிறைவுற்றது.

போராட்டத்தில் ஆயிரக்கணக்கில்  அஞ்சல் , RMS , வருமான வரித்துறை, AG  அலுவலகம், சாஸ்திரி பவன் மத்திய அரசு ஊழியர் சங்கங்கள் , ராஜாஜி பவன் மத்திய அரசு ஊழியர் சங்கங்கள் , கல்பாக்கம் அணுமின் நிலைய ஊழியர் சங்கங்கள், CGHS  ஊழியர் சங்கங்கள் , GOVT FORMS & PRINTING  பகுதி ஊழியர் சங்கங்கள்,  மத்திய கலால்  மற்றும் சுங்க வரித்துறை ஊழியர் சங்கங்கள் , புள்ளியியல் துறை  உள்ளிட்ட  அனைத்து மத்திய அரசு ஊழியர் சங்கங்களின்  தோழர்கள்  கலந்துகொண்டனர். அண்ணா சாலை தலைமை அலுவலக , CPMG  அலுவலக வளாகம் நிரம்பி வழிந்தது இதுவே முதல் முறையாகும். 

இந்தப்  போராட்டத்தில் கலந்துகொண்ட அனைத்து  தலைவர்களுக்கும் , தோழர், தோழியர்களுக்கும், கோட்ட/ கிளைச் செயலர்களுக்கும்   தமிழ் மாநில  மத்திய அரசு ஊழியர் மகா சம்மேளனத்தின் சார்பில்  நெஞ்சார்ந்த 

நன்றியைத் தெரிவித்துக் கொள்கிறோம். கோரிக்கைகளை  வென்றெ டுக்க  அடுத்த கட்ட போராட்டத்திற்கு நாம் தயாராவோம் !

தார்ணா  போராட்டத்தில் எடுக்கப்பட்ட  சில புகைப்படங்களை கீழே பார்க்கலாம் :-

CONFEDERATION DHARNA IN FRONT OF O/O CPMG, TN ON 18.11.2014

அன்புள்ள NFPE இன் அனைத்து சங்கங்களின் மாநிலச் செயலர்களே! அனைத்து சங்கங்களின் மாநிலச் சங்க நிர்வாகிகளே !கோட்ட/ கிளைச் செயலர்களே ! 

வணக்கம் ! 

நாளைய தினம் CPMG அலுவக வாயிலில் நடைபெற உள்ள தார்ணா போராட்டத்தில் தாங்கள் அனைவரும் முழுமையாகக் கலந்துகொண்டு சிறப்பிக்க வேண்டுகிறோம். 

இது மகா சம்மேளனத்தினால் நடத்தப் பட உள்ள மூன்றாவது கட்ட போராட்டம். எனவே ஊழியர்களை பெருமளவில் திரட்டி போராட்டம் சிறக்க  உதவிட வேண்டுகிறோம்.

 

இந்தப் போராட்டத்தில் நம்முடைய மகா சம்மேளனத்தின் மாபொதுச் செயலர் தோழர். M. கிருஷ்ணன் கலந்துகொண்டு சிறப்புரையாற்றிட உள்ளார்கள் . 

எனவே சென்னை பெருநகர மண்டலத்தில் உள்ள அனைத்து கோட்டங்களில் இருந்தும் ஊழியர்கள் மிகப் பெரும் எண்ணிக்கையில் கலந்துகொண்டு சிறப்பிக்க வேண்டுகிறோம். 

உங்கள்  வரவால் அண்ணா சாலை தலைமை அஞ்சலக வளாகம் நிரம்பட்டும் ! போராட்டம் சிறக்கட்டும் !

சென்னை நுங்கம்பாக்கம் வருமானவரி அலுவலக வளாகத்தில் உள்ள ITEF  சங்கத்தின் அறையில் இன்று 17.11.2014 காலை 11.00 மணியளவில் மத்திய அரசு ஊழியர் மகா சம்மேளனத்தின் சார்பில் நடைபெற்ற பத்திரிகையாளர் சந்திப்பு நிகழ்வின் போது எடுக்கப்பட்ட புகைப்படம் 

கலைஞர் TV, தந்தி TV, வேந்தர்  ,  புதிய தலைமுறை , இமயம் , தமிழன், ஜெயா , பாலிமர்  உள்ளிட்ட ELECTRONIC  MEDIA  க்கள் , தினமலர், தினகரன், தி ஹிந்து , தினத்தந்தி உள்ளிட்ட PRINT  மீடியாக்கள் சார்ந்த நிருபர்கள் கலந்துகொண்டார்கள். இந்த சந்திப்பு நிகழ்வு  தற்போது ஒளிபரப்பாகிக் கொண்டிருக்கிறது.

கீழே இடமிருந்து வலம் : தோழர். R.B. சுரேஷ் , அஞ்சல் கணக்குப் பிரிவு,  தோழர். S . சுந்தரமூர்த்தி, பொருளர் , தோழர். J . இராமமூர்த்தி , தலைவர், தோழர். M . துரைபாண்டியன் , பொதுச் செயலர் , மத்திய அரசு ஊழியர் மகா சம்மேளனம், தோழர். M .S . வெங்கடேசன், பொதுச் செயலர், ITEF , தோழர். சாம்ராஜ், CONVENER , COC ,சாஸ்திரி பவன் ஊழியர்சங்கங்கள் .  

THANKS TO PMG, CCR AND DPS, CCR FOR RE-INDUCTING A P.A. WHO ALREADY RESIGNED

THANKS TO PMG, CCR AND DPS, CCR FOR THEIR GENEROUS APPROACH

பாண்டி கோட்டத்தைச் சேர்ந்த  தோழியர் S . ஜோதி  என்பவர் TNPSC  

GROUP IV  தேர்வில் வெற்றி பெற்று REGISTRAR  அலுவலகத்தில் 

பணி புரிய நியமன ஆணை கிடைக்கப் பெற்றார்.எனவே நம் 

இலாகாவில் இருந்து விடுவிக்கக் கோரி (RESIGNATION )  

விண்ணப்பித்து விடுதல் பெற்று  REGISTRAR  அலுவலகத்தில் 

பணியில் சேர்ந்தார். ஆனால் பணியில் சேர்ந்த நாள் முதல் 

அங்கு உள்ள சூழலும் லஞ்ச ஊழல் புரியத் தூண்டுதல்களும் 

அவரை மன உளைச்சலுக்கு உள்ளாக்கவே

  மீண்டும் நம் இலாகாவுக்கே திரும்பி வர அவர் வாய்ப்பு  தேடினார். 

60 நாட்களில் அவர் கோட்ட முது நிலைக் கண்காணிப்பாளருக்கு விண்ணப்பித்தார் . அவரது மனு நிராகரிக்கப்பட்டது . எனவே  அவர் மாநிலச் சங்கத்தின் உதவியை  நாடினார்.  மாநிலச் சங்கத்தின் அறிவுறுத்தல்படி DPS ,CCR க்கு  மேல்  மனு .அளிக்கப்பட்டது.  கோட்ட நிர்வாகம் மீண்டும் அவரை பணிக்கு  அமர்த்திக் கொள்ள  இயலாது என்ற குறிப்புடன் அவரது மனுவை மண்டல அலுவலகத்திற்கு அனுப்பியது. 

இந்தப் பிரச்சினை  நம் மாநிலச் செயலர் மூலம் PMG, CCR  மற்றும் DPS , CCR  ஆகிய இருவரிடமும்  கொண்டு சென்று விவாதிக்கப் பட்டது. முதலில் அந்தத் தோழியரின் மனுவை ஏற்க மண்டல அதிகாரிகள் மறுத்தாலும் , லஞ்சம் , ஊழல் இவற்றிற்கு எதிரான  மனநிலையில் ஒரு இளைய தோழியர்  மீண்டும் நம் இலாகா சேவையை விரும்பி வருவதை இலாக்கா நிர்வாகம் ஊக்கப் படுத்த வேண்டும் என்றும் , அந்தத் தோழியர் விரும்பினால் அவரது பணி  நாளில் அந்தத் துறையில் எவ்வளவோ பொருள் ஈட்டிட முடியும் என்றும் , ஆனால் அது தவறு என்று  வெறுத்து  நமது அஞ்சல் துறை மீது முழு நம்பிக்கை வைத்து திரும்ப வரும் ஒரு ஊழியரை ஏற்றுக் கொள்ள வேண்டும் என்றும் , இதற்கு இலாக்கா விதியும் உறுதுணையாக உள்ளது என்றும் நாம் வேண்டினோம். 

ஊழலற்ற, நேர்மையான வகையில்  சென்னை பெருநகர மண்டல நிர்வாகத்தினை நடத்திடும் இந்த இரண்டு அதிகாரிகளையும்   அந்தத் தோழியரின் நேர்மை கவர்ந்தது. எனவே உடன் அந்தத் தோழியரின் கோரிக்கை ஏற்கப்பட்டு  மீண்டும் அவரை   இலாகா பணியில் அமர்த்திட பாண்டி கோட்ட முது நிலைக் கண்காணிப்பாளருக்கு  உரிய  உத்திரவும் வழங்கப்பட்டது. அநேகமாக இந்த வகையில் ஒரு ஊழியர்  பணியில் மீண்டும் சேருவது இதுவே முதல் முறையாகும் .  

அந்த பெண்  ஊழியரின் நேர்மையான எண்ணத்தைப்  பாராட்டி, RESIGNATION செய்து மூன்று மாதங்களுக்குப் பிறகும்  மீண்டும் நம் இலாக்காவில் சேர்ந்திட அவருக்கு வாய்ப்பு வழங்கிய  நம்முடைய மண்டல அதிகாரிகளுக்கு  நம் மாநிலச் சங்கத்தின் நெஞ்சார்ந்த நன்றியை தெரிவித்துக் கொள்கிறோம்.உத்திரவின் நகலை கீழே பார்க்கலாம் .

தீபாவளி நல்வாழ்த்துக்கள் !

CHIEF PMG, TN அவர்களுக்கு NFPE சங்கத்தின் நெஞ்சார்ந்த நன்றி !

CHIEF  PMG, TN  அவர்களுக்கு தமிழ் மாநில அஞ்சல் மூன்று மற்றும் 

தமிழ் மாநில NFPE  GDS  சங்கத்தின் 

நெஞ்சார்ந்த நன்றி !

          அன்புத் தோழர்களுக்கு இனிய வணக்கம். கடந்த 24.09.2014 அன்று தமிழ் மாநில அஞ்சல் மூன்று சங்கத்தின் சார்பிலும் தமிழ் மாநில NFPE  GDS  சங்கத்தின் சார்பிலும் , நம்முடைய அஞ்சல் மூன்றின்  பொதுச் செயலர் தோழர். N .S . அவர்களுடன்  நாம் சென்று சில பிரச்சனைகளை அளித்து விவாதித்த விபரம் ஏற்கனவே நம் அஞ்சல் மூன்று வலைத்தளத்தில் கடந்த அக்டோபர் 1 ந் தேதி அன்று வெளியிட்டிருந்தோம். அதில் நாம் அளித்திருந்த ஏழு கடிதங்களில் , இரண்டு பிரச்சினைகளுக்கு  நமது CHIEF  PMG அவர்கள் தற்போது தீர்வளித்துள்ளார்.

1.   தபால் காரர்  தேர்வில் வெற்றிபெற்றிருந்தும்  நீதி மன்ற வழக்கின் காரணமாக ஓராண்டுக்கும் மேலாக  நிலுவையில் இருந்த  10 க்கும் மேற்பட்ட GDS  ஊழியர்களுக்கு பணி  நியமன உத்தரவு.

          2012 க்கான தபால்காரர் தேர்வு 2013 ஏப்ரல் திங்களில் நடைபெற்றது.  தேர்வு முடிவுகள் அறிவிக்கப்பட்டு  ஆங்காங்கே  பல GDS ஊழியர்கள் பணி  நியமனம் பெற்றனர். ஆனால் ANSWER  KEY தவறு என்று கண்டுபிடிக்கப்பட்டு நம்முடைய மாநிலச் சங்கத்தால் REVALUATION செய்திட பிரச்சினை கடந்த 23.09.14 இல்  எழுப்பப் பட்டது.(பார்க்க மாநிலச் சங்க வலைத்தளச் செய்தி - செப். 2013 ) 

                இதன் காரணமாக  மாநிலமெங்கும் கிட்டத்தட்ட 10 க்கும் மேற்பட்ட தோழர்களுக்கு  விடைத்தாள் மறு மதிப்பீடு செய்து REVISED  RESULT அளிக்கப்பட்டது. ஏற்கனவே பணி  நியமனம் பெற்ற தோழர்கள்  தங்களின் பணி  நியமனத்தை ரத்து செய்திடக் கூடாது என்று கோரி நீதி மன்றத்தில் வழக்குத் தொடர்ந்து தடையும் பெற்றனர் . இதனால் உரிய காலிப் பணியிடம் இல்லை என்றும் தடை ஆணை உள்ளதென்றும்  முறையாகத் தேர்வு பெற்ற இந்த GDS  ஊழியர்களுக்கு  தபால்காரர் பதவி அளிப்பது நிறுத்தப் பட்டிருந்தது. 

                 இந்தப் பிரச்சினை, பாதிக்கப்பட்ட தோழர். முத்துராமன் என்பவரை ஆதாராமாகக் கொண்டு ,  பலகாலமாக நம்மால் எழுப்பப் பட்டாலும் , நீதி மன்ற வழக்குகள் முடிவடையாத காரணத்தால் சிக்கல் தீரவில்லை. எனவே 2014 க்கான காலியிடங்கள் அறிவிக்கப்பட்டு தற்போது அதற்கும் தேர்வு நடைபெற உள்ள சூழலில் , 2013 இல் முறையாக தேர்வு பெற்றவர்களுக்கு உரிய பதவி உயர்வு வழங்கப் படாததை சுட்டிக் காட்டி நாம் CHIEF  PMG அவர்களிடம் பேசினோம். பிரச்சினையின் நியாயத்தை உணர்ந்த  CHIEF  PMG அவர்கள், உரிய சட்ட ஆலோசனை செய்த பிறகு முடிவெடுப்பதாக அறிவித்தார். 

          இந்தப் பிரச்சினை குறித்து நாம் பல்வேறு ஆவணங்களை நமது APMG, RECTT  திரு. N . ரவி அவர்களிடமும் அளித்துப் பேசினோம். இவற்றை  CHIEF  PMG அவர்கள் கவனத்திற்கு கொண்டு செல்வதாகவும் அவர் உறுதி அளித்தார் . அதன் பேரில்  பிரச்சினையில் இறுதி முடிவு எடுக்கப்பட்டு  தற்போது பாதிக்கப்பட்டஅனைத்து ஊழியர்களுக்கும் உடனடி பணி  நியமனம் வழங்கிட நமது CHIEF  PMG அவர்களால் உத்திரவிடப்பட்டுள்ளது. உத்திரவின் நகலை கீழே பார்க்கவும். இந்தப் பிரச்சினையின்  தன்மையை புரிந்து கொண்டு பரிவுடன் முடிவினை எடுத்த நமது CHIEF  PMG  உயர்திரு. T. மூர்த்தி அவர்களுக்கும் , பிரச்சினை தீர்ந்திட உறுதுணையாக இருந்த  APMG, RECTT  திரு. N .ரவி   அவர்களுக்கும்   நமது அஞ்சல் மூன்று மற்றும் NFPE  GDS  சங்கங்களின் சார்பில் நெஞ்சார்ந்த நன்றியைத் தெரிவித்துக் கொள்கிறோம்.

2.  ராமநாதபுரம் அஞ்சல் மூன்று கோட்டச் செயலரின் இட மாற்றம் ரத்து. 

          ராமநாதபுரம் அஞ்சல் மூன்று கோட்டச் செயலர்   தோழர். ஜனார்த்தனம் அவர்கள் , LSG  என்பது CIRCLE  CADRE  என்று காரணம் காட்டி  ராமநாதபுரம் தலைமை அஞ்சலகத்தில் இருந்து பரமக்குடி தலைமை அஞ்சலகத்திற்கு கடந்த RT  இல் மாற்றிட உத்திரவிடப்பட்டார். இது குறித்து ஏற்கனவே நம்முடைய தென்  மண்டலச் செயலர் தோழர். தியாகராஜ பாண்டியன் அவர்களும் மாநில உதவிச் செயலர் தோழர். ஜேக்கப் ராஜ் அவர்களும்  தென் மண்டல PMG யுடன்  பேசியும் பிரச்சினை தீராததால் இந்தப் பிரச்சினையை மாநிலச் சங்கம் மூலம்   நம்முடைய CHIEF  PMG அவர்களிடம் கடந்த 24.09.2014 அன்று நடைபெற்ற நேர் காணலில் எடுத்துச் சென்றோம்.(பார்க்க மாநிலச் சங்கத்தின் கடித நகல் - வலைத்தளத்தில் பிரசுரிக்கப் பட்ட தேதி : 01.10.2014) . 

            தென் மண்டலத்தில் எடுக்கப் பட்ட நிலைப்பாடு  சட்ட விதிகளுக்கு மாறானது என்பதை சுட்டிக் காட்டினோம். CHIEF  PMG அவர்களும், உடன் இது குறித்து தென் மண்டல அதிகாரிகளுடன் பேசி தீர்வு காண்பதாக உறுதி அளித்தார். அதன் படியே தென் மண்டல  நிர்வாகத்திற்கு கடிதம் அனுப்பப்பட்டது. நம்முடைய மாநிலச்செயலர்  தென் மண்டல இயக்குனருடன் தொலை பேசியில் தொடர்பு கொண்டு பேசினார். இயக்குனர் அவர்களும் உடனடி நடவடிக்கை எடுப்பதாக உறுதி கூறினார். இரண்டு நாட்களில் TRANSFER  COMMITTEE ஒப்புதல் தரப்பட்டு ,  அவரது பரமக்குடி  இட மாறுதல் ரத்து செய்யப் பட்டு , ராமநாதபுரம்  தலைமை அஞ்சலகத்தில்  வேறு ஒரு LSG  பதவிக்கு மாறுதல் அளிக்கப் பட்டார். 

           இந்தப் பிரச்சினையில் உடன் தலையிட்டு தீர்த்து வைத்த நம்முடைய CHIEF  PMG உயர்திரு . T. மூர்த்தி அவர்களுக்கும் , தென் மண்டல இயக்குனர்  திருமதி. நிர்மலாதேவி அவர்களுக்கும்  நம்முடைய  மாநிலச் சங்கத்தின் நெஞ்சார்ந்த நன்றியைத் தெரிவித்துக் கொள்கிறோம். தென் மண்டலத்தில் இனி வரும் நாட்களில் நல்ல சூழல் அமைந்திட  இது போன்று ஒரு நல்ல அணுகுமுறையை நம்முடைய இயக்குனர் அவர்கள் தருவார் என்று நிச்சயம் நம்புகிறோம்.

          இந்த சிறப்பு நேர்காணலில் கலந்து கொண்டு பிரச்சினைகளை  மாநில தலைமை அதிகாரிடம் பேசித் தீர்வு காண வழி வகுத்த நம்முடைய அஞ்சல் மூன்றின் பொதுச் செயலர் தோழர். N .S . அவர்களுக்கும் நம் மாநிலச் சங்கத்தின் நன்றியினை பதிவு செய்கிறோம்.

'சொந்தக் காசில் சூனியம்' வைக்கலாமா ?

அஞ்சல் துறையின்  வியாபார யுக்தி  அபாரம் !

வணிகப் பெருக்கம் அமோகம் !

இனி எந்த ஒரு ஊழியரும் ஊதியமே வாங்க வேண்டாம் !

மாதம் 100 RD கணக்குகள்  அவரவர் பெயரிலேயே  துவக்குங்கள் ! 

ஆனால் மாதா மாதம் பணம் கட்ட வேண்டாம் ! 

PASS  BOOK போட வேண்டாம் !

( சும்மா கணக்கு எண்ணிக்கைக்குத் தானே !)

கிராமப் புற அஞ்சல் ஊழியர்கள்  வணிகப் பெருக்கம் என்ற 

பெயரில் கணக்குக் காட்ட  'பினாமி' யாக  RPLI  POLICY  உங்கள் பணத்திலேயே போடுங்கள் ! 

மாதா மாதம் PREMIUM  கட்ட வேண்டாம் ! 

ஆனால் மாதா மாதம் புதிது புதாதாக 'பினாமி ' பாலிசி போடுங்கள் ! 

பாலிசி எண்ணிக்கையை அதிகப் படுத்த வேண்டாமா ! 

கீழ் மட்ட அதிகாரிகள் உயர் மட்ட அதிகாரிகளிடம்  AWARD  வாங்க வேண்டாமா ! 

70%  பாலிசி க்கள்  இறந்து போனாலென்ன ?  

ஒவ்வொரு பாலிசி க்கும்  இலாகாவுக்கு  ரூ. 420/- செலவு ஆகிறதாம் ! 

ஆனால் நீங்கள் ரூ.15.00 க்கு WHOLE  LIFE  POLICY  ஆக மாதம்

100 பாலிசி போடுங்கள் ! வியாபார அபிவிருத்தி தானே ! 

ஒட்டு மொத்தத்தில் ரூ.15.00 வரவு ரூ. 420.00 செலவு . 

இது இலாக்கா ஆண்டு இறுதியில் கணக்கு எடுக்குமபோதுதானே 

தெரிய வரும் ! 

அது பற்றி நமக்கென்ன கவலை !

இருக்கவே இருக்கு இலாக்கா நட்டத்தில் இயங்குகிறது ! 

எல்லாரும்  BELT  ஐ இறுக்கிக் கட்டிக் கொள்ளுங்கள் என்ற கோஷம் !

உங்களுக்கு நீங்களே  'MY   STAMP' போட்டுக் கொள்ளுங்கள் ! வீட்டில் பெண்டாட்டி பிள்ளை குட்டிகளிடம் காட்டி பெருமை அடையுங்கள் !

வியாபாரம்  அபிவிருத்தி  அடைய வேண்டாமா ? 

நீங்களே PHILATELY  DEPOSIT  ACCOUNT உங்கள் பெயரிலேயே ஆரம்பித்துக் கொள்ளுங்கள் ! நீங்களே  வாங்கிய 

STAMP  ஐ கவுன்டரில் விற்றுக் கொள்ளுங்கள் ! 

வியாபார அபிவிருத்திதானே ? அமோகமாக  இலாக்காவுக்கு லாபமில்லையா ?

IMO பெருக வேண்டுமா ? உங்களுக்கு நீங்களே  MONEY  ORDER  BOOK   செய்யுங்கள் ! உடனடி பட்டுவாடா  என்று RECORD  செய்யுங்கள் ! பத்திரிக்கைகளுக்கு பேட்டி கொடுங்கள் ! 

எல்லாம் வியாபார அபிவிருத்தி அல்லவா ?

EPOST  'புடியுங்கள்' ! அல்லது உங்களுக்கு நீங்களே செலவு 

செய்து EPOST  அனுப்பி  அகமகிழ்ந்து கொள்ளுங்கள் !  

உங்கள் ஊதியப் பணத்தை குடும்பத்திற்கு ஏன் விரயம் செய்கிறீர்கள் ? இலாக்காவுக்கு லாபம் ஈட்ட இப்படியான உக்திகளை கையாளுங்கள் ! நிச்சயம்  லாபம் தான்  ! முடிந்தால் தனியார்  AGENCY  முறை மூலம் பெறும் பொருட்களை நீங்களே  வாங்கிக் கொள்ளுங்கள் !   

இப்படி தீவிரமாக BUSINESS  செய்துகொண்டிருக்கும் போது , 

பசி எடுத்தால்  நீங்கள் வெளியே சென்று  சாப்பிடாதீர்கள் ! 

உங்களுக்குள் நீங்களே   ஒருவரை ஒருவர் கடித்து  பசியாறுங்கள் !  அல்லது பசி எடுத்தால்  தன் சதையையே தானே 

கடித்து பசியாறுங்கள் !  பசி தீர்ந்து விடும் !

இலாகாவின் வணிகப் பசி இப்படித்தானே தன்  ஊழியரையே 

தான் கடித்து தன் பசி ஆறுகிறது ?

இவையெல்லாம்  வணிக வளர்ச்சி கூட்டங்களில் மேலதிகாரிகள் கீழதிகாரிகளுக்கு  அளித்திடும் INNOVATIVE  BUSINESS  

DEVELOPMENT  உக்திகளாகும்.  

இல்லையென்றால் , நாங்கள் மேல சொன்னவற்றையெல்லாம் கீழ் அதிகாரிகள் சுற்றறிக்கையாக , கிளை / துணை அஞ்சலகங்களுக்கு அனுப்புவார்களா ? அப்படி அனுப்பினார்கள் என்றால் , நிச்சயம் இவை மேலதிகாரிகள் அளித்த  ஆலோசனைகள் தானே ?   

வாழ்க அஞ்சல் துறை ! வளர்க வணிகப் பெருக்கம் ! 

இனி RECRUITMENT  NOTIFICATION  போடும்போது:

 'சொந்தக் காசில்  வணிகம் செய்து வியாபார அபிவிருத்தி செய்ய விருப்பம் உள்ளவர்கள் மட்டும் விண்ணப்பிக்கவும் ' 

என்று  NOTIFICATION செய்தால்  நன்றாக இருக்கும் !. 

அல்லது 'சொந்தக் காசில் சூனியம்' வைத்துக் கொள்ள 

விருப்பமிருந்தால் மட்டும் விண்ணப்பிக்கவும்  என்று அறிவிக்கை செய்திடவும் !  இலாக்கா இப்படியே போனால்  நன்றாக வளரும் ! 

அதில் ஊதியம் பெறும்  நாமும்  வளர்ச்சியடைவோம் !

மேலே கண்ட விபரங்கள் எங்களால் ஏனோ தானோ என்று வேண்டா வெறுப்பில் சொல்லப் படவில்லை ! கண்டதைத்தான் சொல்லுகிறோம் ! 

 கீழே பார்க்க ஒரு உதாரணம் ! 

இது போல  பல கோட்டங்களில்  நடக்கிறது ! 

  

இதில் அதிகமாக  திருச்சி மற்றும்  மதுரை மண்டலங்களில் இருந்துதான்  நிறைய புகார்கள் 

உண்மையான அக்கறை உள்ள மேல் அதிகாரிகள்  

நிச்சயம் இருக்கிறார்கள் ! 

அவர்கள் பார்வைக்கு இந்த வலைத்தளம் மூலம் இது சென்றால் , அவர்களும் உடன்  இதன் மீது நடவடிக்கை எடுத்தால் ,   

REAL  BUSINESS  என்பதை நோக்கி  நாம் சென்றால் , 

நிச்சயம் இலாகா வளர்ச்சி பெறும் ! 

அந்த திசை நோக்கி  நாம் சிந்தித்தால்  அது  நமக்கும் , 

இலாக்காவுக்கும்  நிச்சயம் நல்லது! 

விமரிசனம் செய்வது மட்டும்  நம் நோக்கமாக இருக்க முடியாது !

இலாக்காவில்  ஊதியம் பெறும்  ஊழியர் என்ற வகையில் 'நமக்கு சோறிடும் கோவிலை இடிக்காதீர் ' என்று இடித்துரைக்கவும், உண்மையான வணிகம் புரிந்திடுங்கள் !என்று  வழி காட்டவும் 

நமக்கு கடமை இருக்கிறது !

மேலதிகாரிகள்  தலையிடுவார்களா ? பார்ப்போம் !

புதிய நிர்வாகிகளை வாழ்த்துகிறோம்!

தமிழ் மாநில அஞ்சல் நான்கு சங்கத்தின் புதிய நிர்வாகிகளை வாழ்த்துகிறோம்! 

தமிழ் மாநில அஞ்சல் நான்கு சங்கத்தின் 29 வது மாநில மாநாடு கடந்த 10.10.2014 முதல் 11.10.2014 வரை திருப்பூரில் நடைபெற்றது. அம்மாநாட்டில் நடைபெற்ற மாநில சங்க நிர்வாகிகள் தேர்தலில் சேலம் தோழர் ஜெயராஜ் மாநிலத் தலைவராகவும், கோவில்பட்டி தோழர் ஜி . கண்ணன் மாநில செயலராகவும், நமது தென் சென்னை கோட்டத்தை சேர்ந்த தோழர் S.இரவிச்சந்திரன் பொருளாளராகவும் தேர்வு செய்யப்பட்டனர். புதிய நிர்வாகிகளின் பணி சிறக்க தென் சென்னை கோட்டம் தனது வாழ்த்துக்களை தெரிவித்துக் கொள்கிறது.

N .ராஜேந்திரன் 

செயலர்